Биеийн тамир спортыг хөгжүүлэх чиглэлээр

сүүлийн жилүүдэд авч хэрэгжүүлсэн арга хэмжээ,

цаашдын зорилтын тухай

Биеийн тамир спортыг хөгжүүлэх чиглэлээр сүүлийн жилүүдэд авч хэрэгжүүлсэн арга хэмжээ, цаашдын зорилтын тухай сумын Засаг даргын орлогч Ж.Шижирбаатарын илтгэлийг  хэлэлцээд ТЭМДЭГЛЭХ нь:

Сумын Засаг дарга түүний Тамгын газар нь суманд үйл ажиллагаа явуулж буй “Үндэсний бөхийн холбоо”, “Ахмадын холбоо”, “Залуучуудын холбоо”, “Нум сумын холбоо”, “Шагайн холбоо”-той хамтран ажиллах гэрээ, санамж бичиг байгуулан спортын арга хэмжээг зохион байгуулж, үндэсний бөх, хөнгөн атлетик, шатар, сагсан бөмбөг, шагайн харваа, нум сум зэрэг төрлүүдээр амжилт гаргасан байна.

Гэсэн хэдий ч Нийтийн биеийн тамир хариуцсан боловсон хүчнээр хангагдаагүй, тэшүүр, цанын спорт суманд орхигдсон, гар бөмбөгийн спортын хөгжил хангалтгүй, иргэдийн чөлөөт цагийг зөв боловсон өнгөрүүлэх орчин бүрдүүлэх талаар тодорхой арга хэмжээ авч хэрэгжүүлээгүй байна гэж үзээд Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 35 дугаар зүйлийн 35.1.17 дахь заалт, 52 дугаар зүйлийн 52.1.2 дахь заалтыг тус тус үндэслэн ТОГТООХ нь:

1.Суманд биеийн тамир спортыг хөгжүүлэх чиглэлээр сүүлийн жилүүдэд авч хэрэгжүүлсэн арга хэмжээг “хангалттай” гэж дүгнэсүгэй.

2.Сумын Засаг дарга (Б.Дэлгэр)-д даалгах нь:

а.Суманд нийтийн биеийн тамирыг хөгжүүлэх ажлыг эрчимжүүлэн тодорхой үр дүнтэй ажлуудыг зохион байгуулах;

б.Үндэсний бөхийн спортыг хөгжүүлэхэд хүүхэд, багачуудыг багаас нь бэлтгэх;

в.Үндэсний спорт сур, шагайн харвааг хөгжүүлэхэд анхаарах;

г.Гар бөмбөгийн спортыг хөгжүүлэхэд анхаарч, багшийн ур чадварыг нэмэгдүүлэх;

д.Суманд нийтийн биеийн тамир хариуцсан арга зүйч авч ажиллуулах

3. Энэхүү тогтоолын хэрэгжилтэд хяналт тавьж ажиллахыг ИТХ-ын нарийн бичгийн дарга (Б.Хишигдаваа)-д даалгасугай.

ДАРГА                         А.ЭРДЭНЭБУЛГАН