XVII жарны “Элдэв эрдэнэт” хэмээх модон могой жилийн сар шинийн босгон дээр ажил хөдөлмөр, амжилт бүтээлээрээ тэргүүлсэн тэргүүний хүмүүсээ шалгаруулж “ШАГНАЛ ГАРДУУЛАХ ЁСЛОЛЫН АРГА ХЭМЖЭЭ” зохион байгууллаа. Жил бүрийн сар шинийн баяраар сумын ИТХ-аас олгодог ИТХ-ын Дурсамжаар ИТХ-ын Төлөөлөгч Д.Хишигбаяр, ИТХ-ын нэрэмжит шагналаар Ерөнхий боловсролын сургуулийн ажилтан С.Отгонцэцэг, Түвшин сайхан гэр бүлээр Бэрх багийн ахмад настан Д.Эрдэнэчулууны гэр бүл тус тус шалгарлаа.

Ажлын хэсэг сумын төрийн байгууллагуудын үйл ажиллагаатай танилцаж, иргэд, төрийн албан хаагчидтай уулзалт зохион байгуулан санал хүсэлтийг сонслоо. Ажлын хэсгийн бүрэлдэхүүнд аймгийн ИТХ-ын төлөөлөгч, Байгаль орчин, аялал жуулчлал, хөдөөгийн хөгжлийн хорооны дарга Ч.Оюунчимэг, ИТХ-ын Хуралдаан, зөвлөл, шийдвэрийн биелэлт, хяналт шалгалт хариуцсан ахлах мэргэжилтэн П.Энхжин, Хороо, төлөөлөгч, хэвлэл мэдээлэл хариуцсан мэргэжилтэн Ч.Тэгшжаргал нар ажиллалаа.

Монгол Улсын шинэ Үндсэн хууль батлагдсаны ойн өдрийг тохиолдуулан сумын ИТХ-аас иргэд, төрийн албан хаагчдад "Монгол Улсын Үндсэн Хууль бүтсэн түүхэн замнал", Монгол "Улсын Үндсэн хуулийн тухай" зэрэг сэдвүүдээр ИТХ-ын нарийн бичгийн дарга Б.Хишигдаваа сургалт зохион байгууллаа. Мөн сумын татварын улсын байцаагч Н.Одонтуяа "Хувь хүний орлогын албан татварын тухай хууль, цахимаар тайлан илгээх" сэдвээр сургалт хийлээ. Сургалтын дараа АХА тэмцээн зохион байгуулж Татварын улсын байцаагч Н.Одонтуяа тэргүүн байр, Улсын бүртгэгч С.Энхтуяа дэд байр, Хөдөлмөр эрхлэлт, халамжийн асуудал хариуцсан мэргэжилтэн М.Дулмаа гутгаар байрыг тус тус эзлэлээ. СУМЫН ИТХ-ЫН АЖЛЫН АЛБА

“Шатар”-ын спортыг хөгжүүлэх, түгээн дэлгэрүүлэх зорилгоор Улсын Их Хурлын даргын ивээл дор жил бүр зохион байгуулагддаг “Шатар сонирхогчдын улсын аварга” шалгаруулах тэмцээний анхан шатны тэмцээн болох сумын ИТХ-ын нэрэмжит “Шатар сонирхогчдын сумын аварга-2024” тэмцээн амжилттай зохион байгуулагдлаа.

ИРГЭД ТА БҮХНИЙГ БИНХ-ДАА ИДЭВХТЭЙ ОРОЛЦОХЫГ УРЬЖ БАЙНА.

Улиран одож буй Туулай жилдээ эрхэлсэн ажилдаа амжилт гаргаж, сумын эдийн засаг нийгмийг хөгжүүлэхэд үнэтэй хувь нэмрээ оруулсан иргэдийг шагналаа.

НҮБ-ын Ерөнхий Ассамблейн тогтоолоор жил бүрийн 6 дугаар сарын 23-ныг “Төрийн албаны өдөр” болгон тэмдэглэж байхаар 2003 онд шийдвэрлэжээ. Төрийн албанд ажиллаж байсан үе үеийн ахмадууд болон одоо ажиллаж байгаа албан хаагчиддаа "Төрийн албаны өдөр"-ийн мэндийг хүргэе.

Хүрээлэн байгаа орчны эсрэг, гэмт хэрэг, зөрчлийг таслан зогсоох, урьдчилан сэргийлэх, байгаль хамгаалах ажилд иргэн бүр идэвх санаачлагатай оролцох соёлыг төлөвшүүлэх, бүх нийтийн экологийн боловсролыг дээшлүүлэх, соён гэгээрүүлэх, эх орноо хамгаалдаг нийгмийн хариуцлагатай иргэнийг төлөвшүүлэх зорилгоор "Хүн бүр байгаль хамгаалагч" нэгдсэн арга хэмжээг суманд зохион байгууллаа.

Хүн бүх байгалиа хамгаалъя гэж ярьдаг биш хийдэг байгаарай. #Хүн_бүр_байгаль_хамгаалагч_байцгаая🌿

Ашигт малтмал, газрын тосны газраас 2023 оны 03 дугаар сарын 01-ний өдрийн 10/1066 дугаар албан бичгээр манай аймагт 239119.74 гектар талбайд ашигт малтмалын хайгуулын тусгай зөвшөөрлийг сонгон шалгаруулалтаар олгох боломжтой талбайг ялган хүргүүлсэн байна. Дээрх талбайд манай сумын 4812 га талбай буюу Тогоо багийн нутагт-4, 1 нэгж талбар нь Бэрх багийн нутагт нийт 5 талбай байршиж байна. Уг асуудлыг сумын ИТХ-ын ээлжит бус XI дүгээр хуралдаанаар хэлэлцэж, хуралдаанд оролцсон Төлөөлөгчдийн 100%-ын саналаар татгалзах саналтайгаар шийдвэрлэв.