Өрхийн үйлдвэрлэл эрхлэх, үйл ажиллагаагаа өргөжүүлэх зорилгоор сум хөгжүүлэх сангаас зээл хүсэж буй иргэдэд зориулан сумын ЗДТГ, аймгийн МСҮТ-тэй хамтран "Жижиг зээлийн төсөл боловсруулах аргазүй" сэдэвт сургалтыг 2018.06.12-ны өдөр сумын "Иргэний танхим"-д зохион байгууллаа. Уг сургалтыг аймгийн МСҮТ-ийн сургагч багш Л.Саранчимэг хөтлөн явуулж төсөл боловсруулах аргазүй, ач холбогдол, эрсдэлээс хамгаалах чадвар, зах зээлийн судалгаа, үйл ажиллагааны төлөвлөлт, зардлын тооцоо, гарааны хөрөнгө оруулалтын талаар онол практикт суурилсан нэг өдрийн сургалт явуулж сургалтанд хамрагдсан иргэдэд сертификат олголоо.